Ilon Mask Twitter’dagi mikroblogida odamlarni yangi Tesla zavodida ishlashga taklif qildi. Bu haqda “Izvestiya” xabar bermoqda.

Ilon Mask Twitter orqali Tesla’ning yangi zavodiga ishga taklif qildi - yangiliklar

Foto: Global Look Press

Zavod AQShning Nevada shtatidagi sahroda, Sparks shahri yaqinida qurilmoqda. Mazkur korxonada kompaniya elektromobillari uchun akkumulyator batareyalari va transmissiyalar ishlab chiqariladi.

“Yer yuzidagi eng katta va ilg‘or fabrikada ishlagani keling! U daryo yaqinida, go‘zal Syerra-Nevada tog‘lari yonida, yovvoyi otlar manzil topgan joyda”, — deya da’vat qiladi tadbirkor ijtimoiy tarmoqdagi sahifasida.